Select your Top Menu from wp menus

 انجمن گوہرادب کے زیراہتمام عید ملن مشاعرہ منعقد

 انجمن گوہرادب کے زیراہتمام عید ملن مشاعرہ منعقد
مظفرنگر11جون (شاہدحسینی)
مظفرنگرمملاناروڈ کی مہاتماکالونی میں انجمن گوہر ادب کے زیر اہتمام ڈاکٹرشمیم ملک کی رہائش گاہ پر عید ملن مشاعرہ کا انعقاد عمل میں آیا جس کی صدارت کلیم تیاگی نے کی  نظامت کے فرائض ماسٹر الطاف مشعل نے بحسن و خوبی انجام دئے اس موقع پر شہر کی معروف شخصیات نے شرکت کی کنوینر مشاعرہ ڈاکٹر تنویر گوہر نے تمام مہمانوں کا استقبال کیا اور ساتھ ہی عیدالفطر کی شیر کے ساتھ مہمان نوازی کی مشاعرہ کی شمع معروف صحافی گلفام احمد وسماجی خدمتگار اسدفاروقی انجمن گوہر ادب کے صدر ڈاکٹر جمیل احمدنے مشترکہ طورپر روشن کی ارشد ضیاء کی نعت پاک سے مشاعرہ کا بابرکت آغاز ہوا
مشاعرہ میں پڑھے گئے پسندیدہ اشعارقارئین کی نذر ہیں
جب  دل میں  ترے  جذبہ  ایثار  نہیں    ہے
توکچھ بھی صحیح دوست وفادار نہیں ہے
                                     احمد مظفرنگری
عید آئی بھی اور چلی بھی گئی
چاند   میرا   نظر    نہیں       آیا
شہر سارا خوشی میں تھا شامل
اک  بس  وہ  ہی  گھر  نہیں  آیا
                       ڈاکٹرتنویرگوہر
میری آنکھومیں اترنے کی جسارت نہ کرو
پانی ہوتا ہے جہاں پاؤں پھسل جاتے  ہیں
                                          ارشدضیاء
دریا  میری  بلاسے  لٹائیں  سخاوتیں
میری بھی تشنگی پہ انا کا غلاف ہے
                                    جند اختر
جھمکا چراکے وہ میری بیوی کے کان کا
اک ریہڑی  والا بن  گیا  مالک  دوکان کا
                                 ہلچل پانی پتی
نبھاؤگے عہد وفا دھیردھیرے دھیرے
محبت کا ہو  گا  نشہ  دھیرے دھیرے
                                   تحسین قمر
عید ہوجائے گی میری اس کے اک دیدار سے
شام کو جب چاند میرا اپنی چھت پر آئے گا
                                            تحسین ثمر
امن کا  پرچم  اٹھالیں  ملک  دونوں  ہی اگر
ایک دن سرحد کا موسم خوشنما ہوجائے گا
                                     قاری شاہد ارمان
آج  محفل  میں  یوں  ملا  کوئی
جیسے وہ مجھ کو جانتا ہی نہں
                             ارسلان میر
کہیں ہم کو  ستایا جارہا  ہے
 کہیں مقتل سجایا جارہا ہے
بچاؤ   اپنے  ایماں  کو  بچاؤ
شریعت  کو  مٹایا  جا رہا  ہے
                      الطاف مشعل
ان کے علاوہ شاہد مظفرنگری مبین ساحر اور نفیس آزاد کی شاعری کو بھی سراہا گیا
مشاعرہ میں شمیم قصار بدرالزماں خان ماسٹر رئیس الدین رانا ماسٹر سلیم احمد حاجی شکیل احمد معصوم ملک بابو ملک ماسٹر ضمیرالدین ماسٹر اکرام الدین ماسٹر اسرار ماجد صدیقی عمران ملک فیض عالم سیف عالم زید وغیرہ موجود رہے